個人檔案屋村仔相片部落格清單更多  |  工具 說明 |
|
|
屋村仔頭B語錄~句句入肉 24 April 老豆~!收哥呀~!原曲:陳奕迅 - 於心有愧
【親】
從小到衣家都算窮 朋輩話我認真死蠢 但我話我天生有用 人總雖有夢 而呢句有時幾籠統 工作有時腰會痛 做到面都紅 苦幹其實 總會有日 變輕鬆 全家要養 我老豆退休 係時候接龍 望住雙親蒼老歲月如風 令我諗起細路激親你地 由細考試係包尾 陳年事跡當日 曾經既臭飛 今朝不 算成才 他朝都要 個個讚了不起 人生處世 原來常伴兩位 都可老懷安慰 就算讀到大博士理系 未理會老豆湯都凍齊 一朝富貴 仍難能及兩位 比起愛兒矜貴 父母係老望見亦美麗 望以後咪令老豆操心先架勢 未有身家百萬收租買地 仍有拖拍係福氣 做人樂天知命 平安已冇死 當仆低 咬實牙 撐一撐腳我再次企返起 人生處世 原來行近去睇 光陰變成洗禮 自怨自責又確係冇謂 令到就算係機都變危 洗乜閉翳 人窮唔係志短 把握眼前一切 話我幣我越要係發圍 自信實有日會做返一位老細 辛苦半世 原來成就個仔 書薄費籌經費 啖氣在肚又確係暖胃 做老豆既又辛苦冇提 可知米貴 原來挨大個仔 少心血難堆砌 望記住錫住老豆至係 若有日發現老豆有留湯飲飲啦喂 唔飲既搵頭冚吓牆......
.....................................................................................
暫時世上仲未飲到好飲過我老豆啖湯既湯.........
原曲連結: 7 May 吹咩?呢排日日開夜~唉......搭棚都話要開夜,
越越黎覺得自己似一部機器,
睇黎得閒都要同自己呢部機器申請返個專利先係撈野~!
朝頭早就七點零起身由珠海過澳門關~八點零就返到澳門個地盤~
開埋夜就做到成十點先走得.....唉.....食又食唔好~瞓又瞓唔好~
咁攪法真係蜘蛛俠都死啦?!
老細.....你估得冇錯~!你今日返工係見我唔到~
我係攰到放你飛機~你吹咩?!
尋晚同同事開完夜,返到珠海嘅屋企食完宵夜之後....
由於真係頂唔順咁攰,就連行步路都好似行屍走肉咁.....
咁就兩枝公鼠左去揼骨。
由於我地夜得滯黎....D技師比人揀得七七八八...
個經理就走埋黎話:「先生~唔好意思~冇乜女師傅囉喎~
得返一個女師傅~另一個要個男嘅得唔得?!」
我一聽完就話~咁比我囉。
初頭個男師傅都"鍊"得好地地.......「先生~夠力嘛?!」
我答佢:「唔,......」
但佢見我冇乜出聲,居然以為我冇乜料到....以為佢自己唔夠力....
就越鍊越大力...........
我見佢咁大力都無非想我投降講返句:「細力D啦..」
但我又唔順氣.....一味死忍爛忍~!
如是者...............我地大家一場忍同力嘅角力,就響我背脊展開......
有好陣子~我真係頂唔順咁滯~我睇睇個鐘...嘩~!
我仲嗌咗佢按兩個鐘添架?!仲有成粒鐘點捱呀?!
又如是者當我忍唔住嘅時候....
我又扮吓去吓廁所呀~叫佢幫手轉吓台呀~拎吓野飲阿咁.....
卒之苦盡甘來~好不容易捱到佢夠鐘.....
佢跟手拍一拍我:「先生~攪掂啦~!我夠鐘啦~!」
我一路邊起身邊講咗句~唔該~!
就響佢臨行出房門口嘅時候..........
佢回頭望住我笑左一笑.......
而呢一個冷酷嘅笑容就好似話比我聽:
「我地第日實有機會再較量嘅~!下次我一定要鍊到你死去活來~!」
而我亦抬一抬起個下爬望一望佢~
回應咗一個隨時候教嘅眼神~!
哼~!吹咩?!
8 January 故鄉的妳故鄉的妳在我生命中....有這麼的一個女人...... 只要看我一眼,她會樂上半天...只要聽見我的聲音,會睡得很香甜． 吊兒郎當的我,很少理會她的感受, 但她在何時何地...當一有空便會想起我,會立即來電給我． 與友人逛街,看見認為我合穿好看的衣服首飾,都會不計價錢買給我... 盡管她不是千金少姐的她,而是一個月入數千的小小售貨員.... 熱愛蜘蛛俠滿懷童真的我,她買給我的蜘蛛俠精品,大的;小的,多得數不了... 買給我的衣服...多得穿不了,有點還在搬職員宿舍遺失了.....首飾跌的跌了.... 當我離開香港,到澳門工作.... 少致電回家的我,她會不時致電我家,慰問我的雙親..... 每當她放假....便會不顧一切的來澳門找我, 不管我在澳門還要上班,沒有時間帶她隨處逛逛... 她只求送上她香港帶來的禮物,搏我一笑． 有次我打趣問她:「妳為什麼總愛買這麼多東西給我?!不浪費麼?」 她很理直氣壯的說:「我怎知道啦?!但每次看見妳收禮物時開心的樣子,我的心就樂了~!」 喜愛填詞的我,每當寫完一首作品,都會第一時間給她看． 盡管她有時不知我寫什麼,都說寫得很好很好,笑得燦爛得一點都不比我遜色.... 這麼的一個女人....跟我汒汒人海中戀上了,我還求什麼?! 怎麼我會再一次又一次狠心的傷害她?! 做些令她掉淚的事?! 她是一個從小不喜愛吃蔬菜水果的女子,我為了她將來的身子健康著想, 我和她分手了,理由是:「妳一天沒能夠吃水果蔬菜如常人一樣,我是不會娶妳的啦~!」 我是狠心利用她對我的愛． 而她亦真的開始吃起菜來,(當然未如常人一樣啦．) 讀書成積不錯的她,我鼓勵她讀夜校,進修一些她將來有用的課程． 她現在已經是夜校生了~! 除了填詞之樂,供自己深愛的女人讀書之快,竟然猶有過之.... 到作晚....我想通了, 我會比心機工作,希望很快便可娶妳過門吧..... 妳不用刻意戒吃什麼啦,妳開心便行了, 我不會再令妳掉淚的了..... 因為....我會盡我下輩子待妳好... 25 October 入院出院(二)到左廿一號一早做手術當日,阿maggie就走過黎同我插尿喉,
唔好睇少呢條尿喉~!佢插個陣真係痛到我講唔出野,
講真嗰句丫~!仲痛過我做手術~!男人最痛係咩?!
響嗰一刻我真係心如明鏡咩都明白晒....
之後佢再搵另一個阿sir同我吊鹽水,呢位阿sir就好好技術,一插就中,
一D都唔痛......可能佢平時自己響屋企有苦練過穿吓針呀補吓衫都唔定....
到左八點....就幾個姑娘上黎推左我去手術室...
阿護士maggie都有跟埋去,好似想送我一程咁...
落到去手術屋見到D著晒粉藍色嘅衫褲醫生同助手....
個心反而唔係想像中咁驚,我心諗你快D手起刀落啦...
跟住一將我過左另一張手術床有個醫生就話嘞:
「咦~!你未飛髲喎~!」
我心諗....係呀~你飛好D添呀~!
最好你側邊剪簿D,後面你剪番碎佢~咁就型嘞~!
說時遲哪時快佢已經一個氧氣罩罩住我,叫我大啖D索....
跟住個醫生問:
「你有冇百三磅呀?」
其實我就係百三磅~!但我聽佢咁講,
就知佢係想根據一個人嘅輕重,而落麻醉藥嘅分量....
但我又驚佢麻醉我唔到,就答佢百五磅~!
跟住醫生就話:「咁得嘞~!」
跟住我再睇到佢響我吊鹽水嘅粒豆仔度,
打左D麻醉藥落去.....打完初頭隻手掌一涼...
跟住傳到手爭....再上搏頭....跟住到頭....
接著已經係冇晒知覺....
到到一醒返....真係有種再世為人嘅感覺....
一時之間唔知點解腦內諗返起以前所做過嘅種種鎖碎事...
先知道原來咩都係過眼雲煙....
人生在世....你追求D乜野都係大夢一場....
到頭來恰埋眼都係咩都冇....
我醒返又諗,我呢生人做過D咩呢?!
"原來人生並唔在乎你得到過D咩....係做過D咩~!"
頭B~!你切記了~!!
響呢度多謝黎探我嘅父母,哥哥,家姐~!
仲有好似邰正宵嘅十幾年老死阿糨...
以前日日見嘅米高~
好鍚我同關心我嘅細佬志遠~!
我音樂上嘅益友Y爺....
我嘅伯樂才高八斗嘅藍姨----海藍
靚到我認唔出嘅太婆-----雯太婆
獨步樂壇嘅K嬸...
多謝晒你地黎探我~!
感謝電話慰問嘅各方好友~!
做完手術第二日我就出左院,我算硬朗嘛?!
頭B
24 October 入院出院(一)17號去覆診,一見到醫生第一句:「阿楊生我地搵咗你好耐啦,打去澳門又冇人聽,你有期做啦喎.....」
跟住佢再望多我後腦一望:「咦~咦.....都好大粒啦喎,好快D做啦....」
我心諗我等左你呢句成年啦......忽然又唔係好信,有種愚人節feel.....因為佢點我太多啦...
20號一早入去留醫,見到D護士個個黑口黑面好似輸好多咁,阿女....五千幾萬嘅三T咁易中咩?!比心機D做啦....
唯獨有個叫maggie嘅護士幾和藹可親...又健談~可能佢響腦神經外科對得阿伯多啦,
一見我地呢D後生,少不免調戲兩句....
腦神經外科嘅A座同B座,係只係一條走廊之隔......就好似神鵰嘅重陽宮同小龍女屋企咁近,
A座嘅古墓住嘅係活死人,而B座嘅重陽宮就係行得走得嗰D.....
我就當然係行得走得周圍"G"個隻啦。
當晚真係瞓唔著.....因為比醫生講左兩句...佢大至上話:
「我地會先麻醉你,再用個鐵罩用釘釘實你個頭....
然之後會同你插喉入你個喉嚨度抽痰...
以防你做手術D痰倒流入肺....
但做完之後你頭頂嘅神經可能會冇感覺....」
我未等佢講完就問佢:
「咁會麻醉先做架嘛?」
醫生:「係~!」
我:「喂~!大佬呀~!呢D你唔好同我講丫?!我都麻醉咗啦~!
我人都未做就同我講幾凶險?!」
醫生:「咁我照事實講啫....楊生..」
我初頭咩都唔知就真係唔驚囉....比佢夜媽媽走埋黎講一講又話釘頭又話好返冇感覺....就真係有D瞓唔著囉...
(待續) 頭B
30 May 又等....留左幾日院....
手術前嘅電腦素描......
超聲波...磁力共震...心電圖.....抽血......
好嘞...咩都做好晒嘅時候竟然話我血壓低..
做唔到.....
我抱住咁【輕鬆】嘅心情入院...
佢話叫我八個星期後再返黎排過期做手術喎?!
但呢八個星期內如果有期嘅話都會做到....
唉....又要我老豆老母擔心多三兩個月...
..............................................................................
26 May 瘤響兩年前.....後腦生左呢粒瘤.......
初頭係好細好細...就有如一粒豆咁細....
不痛不癢.....
日復日....日子一日一日咁過去.....
佢已經開始隱隱作痛.....連瞓教都成問題....
但由於工作嘅關係....都係冇乜點理佢....
到有一日終於忍唔住....終於要去急症求醫.....
醫生唔講我自已都唔覺....佢已經腫到有如小孩拳頭般大...
而且仲生到開始接近後腦嘅中樞神經....
當日澳門工程展開在即....我問醫生有冇即時危險....
佢話最好快D開刀...
唔係經濟富裕嘅我....未能即時比錢入住私家醫院開刀...
只好排政府嘅公立醫院......
一排....就成年幾.....
到尋日....終於入左醫院留醫....
響澳門做左咁耐野....一返黎就瞓左係醫院.....
攤響張病床度....諗返起好多.....
應關心嘅人未識得去關心.....
應愛嘅人未懂得去愛....
忽然間.....先知道呢生人.....
原來係背住咁多遺憾.....
響腦神經外科...望住隔離嘅左右床.....
有由左耳開刀至右耳既手術疤冇知覺既後生仔....
又有腦插住輸血管仲昏迷嘅阿伯....
突然之間.......想見返晒我所識嘅所有人....
星期一就輪到我......
頭B
27 April 日如火~竹如海~人如炭
話晒呢個地盤都做左成年,已經接近完工。 當日搭既棚,都已經拆得七七八八...由於個地盤真係大到離晒譜,(響地盤外皮搭的士兜一圈係要跳錶 平時用人手傳上架車度,再跟車去呢撻爛地...再用人手落低佢,你都咪話唔巴。通常我地響老細既視線範圍內,都靚靚仔仔砌晒D竹上車。到跟車去呢撻爛地落竹既時候,由於遠離老細....我地都係極速咁,求其冇責任咁掟晒D竹落車,好爭取時間飲啖水..食枝煙。(呢D都係學某一位師傅,放心喎~冇錢我唔會篤你出黎既~! 但響今日.....報應黎嘞~! 接到個消息....清走晒爛地D竹~由原本既地方清過對面~!仲要交帶落要擺到絕對試正~好等雞車黎吊走。 接到呢個同荊軻差唔多既死亡任務....即刻有種好後悔今日唔放飛機既念頭... 一去到第一既案法現場---------爛地 D竹比人亂咁掟到成個竹海咁~望落真係嘆為觀止,又好似幾個巨人玩完竹簽行左去咁....仲要係唔止玩一盒竹簽喎?!都數唔到幾多盒....一路執既時候真係媽媽聲...今日仲熱到甩轆添...開始有D明當年后羿點解要射D太陽落黎....睇住個身D汗好似響長洲東提D渡假屋裡面燒緊炭咁...腦裡面又一次閃過輕生既念頭.... 到左收工....成班伙記一齊搏晒老命都係執得嗰五分之一,唉....睇黎都係聽日買定機票.....
頭B
19 March 頭B話........仲記得........去日本既關係....
有一個好攪野既畫面.....
響一個黃昏既古川飛驒市......
日本既平房............
我行過..........
見到個四五歲既細路仔好開心響度掟緊雪......
我幾想玩埋一份.....
言語不通既我即時巢緊腦入邊睇過日劇裡面....
日語打招呼既記憶.....
我即時對住個細路講左句:
「賀蝦喲~~!」
點知一個似係佢媽咪既師奶拿拿林沖出黎.....
啤左我一眼就捉返個細路入去........
我返去問人先知原來"賀蝦喲"係解早晨...... -_-
-----------------------------------------------------------------------------
15 February 頭B說......06年黎講,真係我自己好難忘既一年......
因為係我地十個人網上既音樂得到一定性既肯定....
我唔敢話我地好叻,只不過我地係比一大部份人....
較勇敢D.....行近左我地理想既一步....
中間我地亦都好似世上所有既拍擋一樣....
經歷過爭拗...意見不合~而至達到體諒....共識...
人地話一份真摯既友情得來不易....
詞友.....更加難能可貴....
當中雖然大把外來既冷言冷語....
令到我地有丁點介懷...
但....已經唔重要......
一大班人去合力去做完一件事....一件創舉....
個一種感覺....唔係話你係冷酷既社會...
搵到幾多錢....得到幾多既物質...可以比得到你....
更何況我地更一齊做完一件又一件.....?!
仲記得有幾個月我真係填詞既空白期....
真係一首都寫唔出....
交深既友人都知我人在澳門工作....
雖則人在它鄉....
但.....搵我寫詞既人....未見得少左.....
我係咪背棄左我既興趣....想話比自己知.....唔係....
以下係回覆某社區組織拹會既一封電郵...
希望大家明白我當日既心情....
--------------------------------------------------------------
香港社區組織協會----XXX先生:
首先,在此多謝對小弟詞作之錯愛,
實在汗顏.....
不過....實話實說...希望彭先生見諒,
由於工作關係,本人已長期於澳門工作很久,
已經甚少回港與寫詞多時,說真一句,
我欠人家多首詞作尚未動筆者多得很...
我不是不想寫....而是真是沒靈感和心情去寫得出....
馬虎了事去寫得一首,自信一定應付有餘,
奈何我又不想這樣去對待我深愛的興趣,
填詞就是這麼一回事了....
我希望你能明白,我回覆你這編信息,
不是想擺什麼架子,而我寫歌真是急不來,
我怕應承了你,三月交不出歌來而失信於閣下,
真的對不起,
飄洋過海~忘於工作之心
真的難從拾寫詞之樂,請諒,
有留意我作品之友人,都知我已四至五個多月~
未登過一首新作....再一次請見諒....
在此謹祝閣下舉辦之活動順利,稱心如意
頭B
----------------------------------------------------------------
宜家大家明白嘛......?!
17 November 澳門海關今日係澳門返香港,過澳門關既時候...... 平時既我都係一身HIP-HOP打扮頭帶貨車帽既我... 走去過關...... 我平時出出入入都覺得澳門D民風唔錯.... D人係幾和藹可親,係有時有D小部份既原居民比較爛口D.... (陳仔....我當然唔係話你啦~!) 關員比我既印象都尚可架~! 今朝一過澳門關既時候... 我好合作咁"隊"左張身份証比呢個海關叔叔... 再將我既貨車帽除低....好比佢見到我個樣... 同証件相符...然後過關... 就係証件櫃台我比張身份証佢個陣... 我雙手係仲擺係櫃台,(好自然"o個"隻) 好等我拎返身份証... 就係呢個時候.... 呢名關員,用一種好唔禮貌同帶有呼喝既語氣大大聲咁話: 「喂~!你企好D啦,呢度比你擺手既咩?!你識唔識企架?!」 嘩~!我真係火都黎埋,我即刻心諗, 張証又未拎返,關又未過完,費事同你燥~! 一陣比你有排玩咪死?! 於是我表面不動聲色, 將灘平左手隻手掌放響耳邊,以示聽唔到既手勢~ 望住佢:「呀?!呀?!」 關員:「喂~!你聾架?!」 我:「呀?!」 當我講完呢句,佢再望左我幾眼,可能真係當我聾啦, 終於死死氣"啤"住我,比返張身份証我過關.... 就係我拎返張身份証臨行過呢個關員既時候.... 我就笑笑口講左句: 「尋晚葡京輸好多呀?!咁勞氣唔好做嘛?!我仲以為你唔比我走添?!」 18 September 搭棚我曾經同自己講過..... 我冇野出名~出名大膽~! 仲記得第一日入行...... 係去拆棚,唔係搭棚~ 咩都唔識既我~我老細第一句就叫我... 企出個棚度傳竹.... (搭棚係由底一條條竹搭上~拆棚係由高一條條竹拆下) 我心諗:「超~!?好易咋嘛~!?」 但....第一日返工一企出去就係四十樓高喎?!  一企出去已經驚到雙手攬住個棚D竹... 兩耳生風... 試問又邊有手傳竹呢?! 企係我上邊拆棚既師傅(唔係我老細)~拆第一條竹傳比我既時候.... 佢講左句:「喂~!細路~!拎竹啦?!你做唔X做架?!」 我又竟然真係答佢:「我邊有手傳竹喎?!」 因為我真係驚到捉住個棚唔放.... 呢一位師傅竟然就用佢手渣住既竹~ 兜條竹兜頭扑左我個頭一下~ 跟住佢就叫拆佢隔離棚D同事渣住佢條竹~ 然之後佢就擒落黎..... 我初頭仲以為佢擒落黎媽叉我添..... 佢一落到黎第一句..... 師傅:「第一日返工呀?」 我:「係...」 師傅:「望住我~!」 跟住佢就做左一個只係用腳騎住幅棚既姿勢~! (真係唔洗用手架~!)  師傅:「見到未?!咁咪有手傳竹囉?!」 我:「見到~!但我仲係好驚喎~!?師傅~!?」 之後佢拍一拍我膊頭講左一句說話..... 對我日後做人同做事都影響好深... 一生受用..... 師傅: 「你呢世仔都要記住.... 呢個世界係冇怕乜怕物.... 驚呢樣驚個樣既人.... 因為只係有懶人....明嘛?!」 大家共勉之~!!! 頭B  25 August 請辭?!你真係請辭?!
我想問你.........
你當我地係咩?!
我唔相信今時今日仲有野影響到我地既感情~
我唔知你經歷左D咩~令到你有呢一返說話~
我知你曾經為我地背負左同埋付出左好多~好多....
而當晚音樂會陳仔叫我地當唱完場既歌既時候...
叫我地一齊向你鞠躬講聲:「多謝Y爺~!」
可能當晚你見我地有咁既舉動係一頭霧水.....
但我相信我地咁多個都係發自內心去講呢一句說話.......
外人既冷言冷語我地邊個未聽過呢?!
又你去承受晒?!外人仲可以影響到我地既感情?!
我地既感情唔係靠吹水吹返黎~亦非一朝一夕可以建立~
人地講咪由佢講囉?!一個人係影響唔到亦估唔到另一個人係諗咩~
佢要咁講我地同發出針對性既言論咪由佢囉~
你理得幾多~?!
我當你請辭~收口既人又係咪真係會少左呢?!
你咁樣走左去係辦法黎既咩?!真係?!
才子之名我自問唔希罕~亦都唔係想講呢番說話~
諗住挽留你....唔洗等我地9個才子一隻襪失去一個完整性~
我係想話比你知......我地真係咁兒嬉?!話散就散?!
就算係我.....一個更加普通既朋友我都唔想失去~
何況更係同我地共過風雨~齊上齊落~亦師亦友既你?!
說話出左口既你係點~我地個個都知~
但....你咁唔係幫我地9個囉~反而係親者痛仇者快囉~
一路都係大部份時間有你呢一份凝聚力去維繫住我地9個...
以至有網上大碟~音樂會~而我地亦都漸向大家之路進法....
我唔敢話我地叻~但對音樂既小小憧憬....
係從來未試過係咁近.....同咁實在......
當晚音樂會完我同你地慶完功....再比朋友捉左落間D度慶祝..
席中有友人話:
「頭B~音樂會好成功~!」
「係喎~你個頭粒瘤就做手術咯喎~!驚嘛?!」
我記得我係笑一笑答佢.......
「唔驚~!因為.....我已經冇遺憾嘞.....!」
但......你既請辭一定係我地另外9個人生一個遺憾~!
頭B
.
29 July 我吋.....故我在原曲:龍咁威
(怪網怪規)
原創版 十分之幣 登野我驚狗吠
原創版 殘老弱廢 走去 K版兩面睇 ＊我 登錯又唔係? 定係我犯版規?
你 點去定義? 我相當冇計 原創 K 又乜所謂? 趕客冇乜關係
唔去登 由你自閉 呢隻版規確係威＊ Repeat（＊）
-------------------------------------------------------------
多謝某網比我靈感 .....望咩啫?!唔識我頭B呀?! :twisted:
我既詞不嬲溫文儒雅架嘛~!!
唔好轉載喎~笑下就算~由佢閂門食燒肉啦~
---------------------------------------------
從前有個垃圾站,有三個垃圾筒,街坊都爭相去掉垃圾,
有一日黎左個從火星黎既新垃圾佬,
去收垃圾既時候見到D垃圾就對街坊話嘞:
「你廢紙掉去藍色垃圾筒丫嘛,
D鋁罐掉去黃色垃圾筒嘛~D膠樽掉去啡色丫嘛~!
正一仆街黎既~掉到周圍都係~!」
成班街坊都見呢個火星垃圾佬吋成咁,眼火都爆埋~!
呢個垃圾佬就返去同垃圾站既站長投訴,
站長就叫佢係垃圾筒貼明指示,方便街坊掉垃圾嘞~
於是乎呢個火星垃圾仔就響垃圾站登左:
【藍廢紙~黃鋁罐~啡膠樽】
告示登出,D街坊當然照樣掉垃圾啦,但仲係掉到亂晒大龍,
火星仔去收垃圾個陣就嬲到媽媽咁聲~
最慶既都係原本貼上既告示~已經比人撕左~
換上比人貼上既係:
【藍廢人~黃臉婆~啡衰公】
12 July 娛樂大搜查之九個才子一隻襪音樂會(一)本文記者二五仔線人大頭B第一手音樂會內幕消息透露,
人稱澳門粗口奇葩既爛口陳----(陳SIR),
自從上次用佢部滑時代既紅色綿羊仔,錬車錬輸比澳門巴士佬之後,
呢個陳仔見自己部車就黎出廠,已經密鑼緊鼓諗住約巴士佬錬多轉~
我地訪問過該名巴士佬水哥,對話如下--------
記者:「上次錬輸比你個後生仔約你錬多轉喎~水哥你點睇呢?!」
水哥:「邊X個呀?!我地呢D巴士佬日日錬低咁X多車,知X邊個咩?!」
記者:「水哥~紅色綿羊仔唔知有冇印象呢?!」
水哥:「哦~我記得嘞!個條花靚仔痴X線架~!仲爛口過我架~!
錬車輸左好閒啫~佢兜架綿羊就撞埋我架巴士度嘞~!?
冇性架佢~!我自從見完佢手車,我就覺得澳門市民生命冇咩保障~
佢撞完埋黎仲講粗口添~佢化左灰我都認得佢架~
但不可不讚既係~呢條花靚K講粗口發音幾準~
由其係講人阿媽,相當之入型入格~」
記者:「佢打算撩你錬多轉喎~水哥你點睇先?!」
水哥:「你幫我同佢講~叫佢錬贏我個仔部單車先講啦~!」
25 June 網上第三股音樂勢力九個才子一隻襪?!自古有"九個才子一隻襪"呢個名係.....
只不過係我地詞友間既一時戲言,
又算係我地十個填詞愛好者既一個統稱,
當襪襪爆左呢個名出黎,我都係心諗:「都幾過癮丫?!」
"才子"呢個名對我黎講係自踩居多~識我既人都知道,
我係完全唔識英文,打字錯別字又多~
寫D詞用得深D既字都要通街問,"才子"?!我相信我真係唔係實至名歸。
但我又從來唔覺呢個名有咩咁大不了?!
我寫歌又冇因為背負住才子既名而有壓力~
再講丫~網名一個啫~乜傷害到人架咩?!
我字又識唔多,英文又唔惦,但都比人搵小弟幫手做個小小版主,
仲以詞會友識左才子以外既好多網上音樂人,
我成日問自己,我其實係點解咁幸福?!
識到一班有共同興趣既網上音樂好友既呢?
我好耐先從網上旁人口中得知....
我地對音樂既真,不做作既我,無架子既自己贏到呢份友誼,
有人當我地係第三股勢力~
有人覺得我地搏紅,但可笑我地係冇諗住響"九個才子一隻襪"呢個名想得到D咩?!
近日響某網既新詞版版主既言論,我睇過大概,
估唔到處事偏激諗埋一邊,自言以填詞人做目標既該位版主,
睇落去係幾咁幼稚可笑......
佢話網上詞壇黑暗,我地唔知點解又贏到尊重,
佢話我地搏紅,我地又唔見有咩利益著數拎過~
我地只不過係為網上音樂出一分綿力,
我相信世界上每一個人,如果可以成日陪住自己喜歡既興趣到老,
一定死而無憾~!
鐘情填詞既我地~從來冇話想強求D咩~
我地十個每人都有唔同既地域生活~工作~
返工既返工~讀書既讀書~考試既考試~
但我地成日執歌寫歌攪到三間半夜,
第二朝仲要返工返學?!咁你話我地搏咩呢?
一個冇諗過去接受人既人~
試問又叫人點去接受你呢?!
我地今時今日贏到既尊重~並唔係靠上網吹水或者呃返黎~
實力?! 我地冇乜.........
首首作品都佳作?! 又唔見得........
但......我地有"詞品"
有人話我地吋~我話:「有咩?!唔覺喎~?!」
就算當人地理解能力有問題~覺得我地吋~
我又想問下佢:
你講過D乜令我地咁吋呢?!
再講丫......我地憑咩咁吋呢?!
都係o個句啦:「唔覺喎~!?」
頭B 17 June 【花名】唔知係幾時.......
人同花名別號係離唔開.....邊度都係......
你身邊實有一"炸"要好既花名朋友~係你左近比你掛響咀邊....
就算電視劇集同電影既劇中角色既花名~
大家都可能仲記憶猶新.......
但其實有D花名大家試下留意一下~!居然係全港通用~!
唔信?!舉D例子比大家睇下~睇下大家有冇中返一兩個係你左近?!
唔知點解四眼既一定要叫阿明~【四眼明】
哨牙一定要叫阿珍~ 【哨牙珍】
肥仔一定要叫阿文~【肥仔文】
大麻係毒品丫~?叫阿成一定要叫【大麻成】
阿欣一定要叫【豬欣】
男仔叫阿恩定要叫【大蛇恩】
沙塵一定要叫阿超【沙塵超】
可能由於我自小愛填詞既關係~
鐘意亂諗野,所以改花名都有一手~
有一個代表作~!就係改左一個同事~
個名叫------【利賓立】
相信大家就算未飲過利賓立都有見過掛?!
我呢個同事人地開工日曬夜曬............
【有事行開~明天續】
15 June 搭棚隨筆咋嘛......香港一返黎澳門就做~一返到屋企(員工宿舍)
就見到幾位當年一齊搭棚學師既師兄弟~!
原來我老細嗌左佢地過黎幫手~!呵呵~!從此熱鬧囉~!
其實我地當年一齊跟一個師傅學師~我地既師兄弟不下幾十個~
我地又個個唔係悶o個隻~!成班師兄弟又古靈精怪~!笑料大把~!
感情又相當要好~!但由於人各有志~大家學滿師都跟左唔同既老細~
偶然都會係工作上撞到~但唔夠呢次咁開心~話晒都因為它鄉遇故知嘛~!
一見到佢地就不其然走去飲返兩杯~講下當年既一點一滴~!
做人原來好簡單~咁樣都可以好開心~!
世界盃真係害人不淺~成班同事都打晒喊怒開工~
D人仲悶~搭到二樓已經講緊波~搭到上頂又講緊波~
但.....慶幸既係.....就係依靠吹水呢個動力~先可以有拚勁做到收工~
收左工既同事~一個二個就打晒長途返香港既馬會~又話買呢場串邊場~
又買定晒D啤酒乾糧上樓等開波入場~
唔知仲以為佢帶乾糧上京考科舉~
未開波就黎一場口舌之爭~吵吵鬧鬧~成個花o靚仔咁~
輸死你呀~!?波係圓架~!
個個都好似同自己買個隊波既領隊~食過宵夜打過麻雀咁~
懶係有晒內幕~到到完場個個都係話輸到包住頭走~!
做咩呀?個領隊呃你呀?食多兩晚宵夜囉~?!XD
噓~頭B呀~!
11 June 荷蘭對塞黑~!呢一晚荷蘭對塞黑~由於係有線先有得睇既關係~
夢夢冇得睇而又想知即場賽果~
形成我地係MSN有以下既對話................
夢月影@九個才子一隻襪 說:
陳sir Ch@nSiR。橙 說: 夢月影@九個才子一隻襪 說: 場波點？ 夢月影@九個才子一隻襪 說: Ch@nSiR。橙 說: 荷蘭贏緊 HIP-HOP大頭B 說: 1:0 夢月影@九個才子一隻襪 說: gd！ 夢月影@九個才子一隻襪 說: 好！ Ch@nSiR。橙 說: 我繼續睇 .. 錄音留言無法傳送給所有收訊者。 HIP-HOP大頭B 說: 播放 / 停止 另存新檔 夢月影@九個才子一隻襪 說: 有波入就匯佈 HIP-HOP大頭B 說: ok HIP-HOP大頭B 說: 荷蘭岩岩判左個12碼 HIP-HOP大頭B 說: 死~!!! HIP-HOP大頭B 說: 入埋~ Leo@九個XX一隻X 九週半(from 10.6.06)~大家~努力!!! .\ /. 加入對話。 HIP-HOP大頭B 說: /_\ 夢月影@九個才子一隻襪 說: 夢月影@九個才子一隻襪 說: 1和？ HIP-HOP大頭B 說: 好~中場又開波 HIP-HOP大頭B 說: 荷蘭又比人攻 HIP-HOP大頭B 說: 死~ HIP-HOP大頭B 說: 又比人搶入禁區 HIP-HOP大頭B 說: 射~!!!! HIP-HOP大頭B 說: 天入 HIP-HOP大頭B 說: 2:1 HIP-HOP大頭B 說: 又入 Leo@九個XX一隻X 九週半(from 10.6.06)~大家~努力!!! .\ /. 說: 陳sir........ HIP-HOP大頭B 說: 陳SIR食左燒肉~ HIP-HOP大頭B 說: 咩事? 夢月影@九個才子一隻襪 說: 2係塞黑？ HIP-HOP大頭B 說: 係 Leo@九個XX一隻X 九週半(from 10.6.06)~大家~努力!!! .\ /. 說: y爺想執少少個目錄 您剛剛已送出來電震動! 您傳送來電震動的次數不可太頻繁。 您傳送來電震動的次數不可太頻繁。 您傳送來電震動的次數不可太頻繁。 您傳送來電震動的次數不可太頻繁。 Leo@九個XX一隻X 九週半(from 10.6.06)~大家~努力!!! .\ /. 說: 荷蘭之前熱身賽好明顯畀人惡意侵犯~邊有可能一場波傷3件~今屆凍過水... 夢月影@九個才子一隻襪 說: 天呀！ HIP-HOP大頭B 說: 陳仔唔應 Leo@九個XX一隻X 九週半(from 10.6.06)~大家~努力!!! .\ /. 說: HIP-HOP大頭B 說: 3:1嘞 夢月影@九個才子一隻襪 說: 我聽日可能有免費蘋果pie 夢月影@九個才子一隻襪 說: 咁我聽日實有蘋果pie食 【榮】／顆顆悅目 說: PIE←係咁串架？ 【榮】／顆顆悅目 說: 有好似係喎 【榮】／顆顆悅目 說: 又 夢月影@九個才子一隻襪 說: 唔係咁串咩？=.=" 夢月影@九個才子一隻襪 說: 唔好嚇我...... HIP-HOP大頭B 說: 真係信喎-.- 【榮】／顆顆悅目 說: 我諗緊點ＩＥ點拼到批呢個音ＸＤ 【榮】／顆顆悅目 說: 諗下諗下呔都串做ＴＩＥ。ＸＤ Leo@九個XX一隻X 九週半(from 10.6.06)~大家~努力!!! .\ /. 說: die... 【榮】／顆顆悅目 說: 嗯嗯 夢月影@九個才子一隻襪 說: Leo@九個XX一隻X 九週半(from 10.6.06)~大家~努力!!! .\ /. 說: 咁咪應該讀蘋果派... 夢月影@九個才子一隻襪 說: 頭Ｂ，現場如何？ HIP-HOP大頭B 說: 4:1 Leo@九個XX一隻X 九週半(from 10.6.06)~大家~努力!!! .\ /. 說: .......... 夢月影@九個才子一隻襪 說: 係咪架？ HIP-HOP大頭B 說: 荷蘭好勇~ HIP-HOP大頭B 說: 球証都打 夢月影@九個才子一隻襪 說: 有冇入得咁易呀？ HIP-HOP大頭B 說: 比左9張黃牌 Leo@九個XX一隻X 九週半(from 10.6.06)~大家~努力!!! .\ /. 說: 荷蘭打緊幾個?? HIP-HOP大頭B 說: 易過食菜 HIP-HOP大頭B 說: 都冇龍門 Leo@九個XX一隻X 九週半(from 10.6.06)~大家~努力!!! .\ /. 說: 10人應戰? 9? 8? HIP-HOP大頭B 說: 全部出晒場 Leo@九個XX一隻X 九週半(from 10.6.06)~大家~努力!!! .\ /. 說: 夢月影@九個才子一隻襪 說: 都係問番陳sir..... 夢月影@九個才子一隻襪 說: 陳sir.... 夢月影@九個才子一隻襪 剛剛傳送來電震動! HIP-HOP大頭B 說: 咁即係唔信我姐? HIP-HOP大頭B 說: 講真嘞~ HIP-HOP大頭B 說: 2:1呀 HIP-HOP大頭B 說: 但真係打左球証 夢月影@九個才子一隻襪 說: 好難令人相信 【榮】／顆顆悅目 說: 狼來了 HIP-HOP大頭B 說: D荷蘭仔見球証笑~就兜後腦整佢一踭 【榮】／顆顆悅目 說: 笑都唔得？ HIP-HOP大頭B 說: 就係囉~荷蘭仔真係唔講得笑 HIP-HOP大頭B 說: 咦~!?打打下球証食煙喎~?! 【榮】／顆顆悅目 說: 事後煙？ HIP-HOP大頭B 說: 仲問荷蘭龍門拎火機 Leo@九個XX一隻X 九週半(from 10.6.06)~大家~努力!!! .\ /. 說: 你寫緊你個接龍呀? HIP-HOP大頭B 說: 講真你地又當講笑~我唔彩你地架~! 夢月影@九個才子一隻襪 說: 【榮】／顆顆悅目 說: 笑咩笑？批你踭架 HIP-HOP大頭B 說: 咦~!宜家荷蘭開罰球~! HIP-HOP大頭B 說: 塞黑個龍門一搏~ 夢月影@九個才子一隻襪 說: 就完場.... 【榮】／顆顆悅目 說: 搏唔到 【榮】／顆顆悅目 說: 眼見個波就快入網之際 【榮】／顆顆悅目 說: 健威就出黎營救 【榮】／顆顆悅目 說: 一拳打開粒波 希仔 —ω— ～＊ ξ╳ 尋謎 ×*＊﹡ 加入對話。 夢月影@九個才子一隻襪 說: 林源三呢？ HIP-HOP大頭B 說: 健威踩波車撻落地暈左 希仔 —ω— ～＊ ξ╳ 尋謎 ×*＊﹡ 說: 果日個林源三唔係頭B黎架咩 ._. HIP-HOP大頭B 說: 林源三幫球証買煙 HIP-HOP大頭B 說: 我係攪事球迷 【榮】／顆顆悅目 說: 荷蘭換入小志強 HIP-HOP大頭B 說: 我燒緊車呔 希仔 —ω— ～＊ ξ╳ 尋謎 ×*＊﹡ 說: 我係防暴警察 HIP-HOP大頭B 說: 塞黑都換左黃秋生 希仔 —ω— ～＊ ξ╳ 尋謎 ×*＊﹡ 說: 同暴民一齊慶祝 夢月影@九個才子一隻襪 說: 塞黑都有個梁仔 希仔 —ω— ～＊ ξ╳ 尋謎 ×*＊﹡ 說: 又行開陣先-.- 夢月影@九個才子一隻襪 說: 梁仔有絕招 HIP-HOP大頭B 說: 呢個時候能源三買煙返 夢月影@九個才子一隻襪 說: 顏面擋球！ HIP-HOP大頭B 說: 一比球証就嬲~即刻吹罰 HIP-HOP大頭B 說: 球証原來要三角五佢買錯紅塔山 【榮】／顆顆悅目 說: 球證要紅雙喜架？ 10 June 開完會嘞~!!尋晚D雨大巴大巴咁打埋黎,我著短褲仔都濕晒~!真係有D離晒大譜~!
有人話貴人出門招風雨,咁填詞人呢?!
我由於好日都唔返黎,要同屋企人食埋晚飯先出得街,所以遲到左少少,
一去到麥記比我見到一個唔洗介紹既佢......
圓圓碌碌肥肥大大矮矮細細既佢春田花花希子,佢真係好鬼死肥架,
佢一隊出佢份編出黎既歌詞,我一睇見到好多交叉,唉.....做兄弟.....
又咁多人係到實幫到佢既,
同場有一個畫公仔既高手,名我真係唔記得喇,佢可以我地一路開緊會,
佢可以一路畫哂我地咁多人個樣,真係利害到你唔信,
如果我第2時係病床臨斷氣佢係隔離既話,一定趕得切幫我畫遺照,
佢初頭畫左我地咁多個樣,都係正經版,
y爺話要q版wo,我即刻出聲咁好難架wo,
雖知道畫q版,阿y爺,榮少,希子,李奧,陳sir,襪襪,成班都帶眼鏡既,個個畫q版咪差唔多樣
咁真係考起喇.......
開會開到咁上下最晴天霹靂既係,y爺居然叫我唱個首原創,唉.....呢次死喇!
我把老牛咁既聲,即係叫人早d散場啫?!
唉.....聽日就番過澳門,各位加油呀,襪襪比心機考好d呀,我下半世旨意你養架喇!
呵～頭Ｂ呀！
8 June 呢十幾廿日大事回顧【濠江紅綿羊車神 不幸陣亡 靈堂萬人追悼】
標題講下啫~唔係點引到你地入黎睇呢?!報紙都係咁咋嘛....
你條陳仔咪話我話你丫~好地地走去撞架巴士~你估你架坦克咩?!
唔好成日以為自已玩過幾年東望洋~就當D巴士佬死既先得架~!?
你睇Y爺呢個巴士佬成日咁牙斬斬就知唔惹得D巴士佬架啦~
好返D未呀?!好D記住搵我食宵夜呀~!
放心啦~真係好返我同你約個巴士佬錬返轉~
呢次唔好蝕比佢嘞~!
叫佢"渣"綿羊你"渣"返 架巴士"碌"返佢轉頭~!哼~!
襪襪呢排考試喎~!加油呀~!
妳係才子網登o個位靚仔,妳唔該叫佢慳D啦~
係才子網有成9件咁嫩口既上等貨色妳唔睇仲要出去裝?!
唔怪得妳帶眼鏡啦~視力真係好有問題~
我地9個妳其實睇真D~係可以滿祝妳唔同既需要~
要人靚聲甜既有孤泣
要長草既有臭夢 (佢最近話剪左)
要玉樹臨風同收風既有Y爺 (夠瘦嘛)
要成日係學校比人恰既有希子
要吋人唔洗本既有榮少 (佢木起個咀仔上黎仲....仲....好性感-.-)
要成日唔出街早瞓夠晒深閨既有李奧
要成日講D妳唔識既野有紫心
要有安全感既有成日媽媽聲既陳SIR (手車重好辣添XD)
要9唔搭8既有我~!
咦~!?講起我地都幾型仔架喎~!
Y爺~音樂會辛苦晒~我仙遊既日子唔可以同你並肩作戰~
真係唔好意思~!它日我還陽一定請你落下邊聚下~!
陳仔好似就黎唔得嘞...得閒去睇下佢啦....XD
李奧既日記仔我睇完好感動~!佢終於開到口話想要個女朋友嘞~!
李奧大個仔嘞~!YO~!^^
放心~!做兄弟一定幫你留意下~!試下同你搵返注好人家~!
拿~!?李奧終於出手啦~!天下既靚女有難嘞~!
唔知襪襪幾時又會學到你咁開到聲話要搵返件呢?!
-----------------------------------------------------------------------------
好鬼掛住你地每一個~!!真心說話~!!
呵 ~ ! 頭B 呀~!
----------------------------------------------------------------------------
MIX & 錄音製作:Lawrence吉仔
歌詞:HIP-HOP大頭B 【貓狗有幾愛?】 http://midi.i010.com/uploads/files/10_de51f17685.mp3 人地話 冇野慘得過做馬做牛 試問又邊會慘得過 D流浪貓狗 相信你養養下 都唔會"等"左隻牛 買馬羸返三兩場 兩舊就話夠 養隻貓狗生晒"芝" 你又唔帶佢去醫 養到大隻"訝訂"D 以為掟左冇人知 正所謂貓狗都有性 係你當佢白痴 拒地唸咩你又點會知 心情唔好發爛乍 你又吊高佢黎打 唔咬你勢係假 流浪街邊好過家 流浪街邊遇細路 火燒淋水當玩耍 哎~ 養到病 你又話"等" 養到老 你又話"等" 你要搬 你又話"等" 做人 你係咪咁?! 有時 問問良心 你老豆養到你咁大 有冇話過要"等" D貓狗冇得柬 你養佢當做係玩 岩岩養你覺得盞 養落你又話大負擔 養佢地又係你 拋棄既又係你 好似話得意係你 豬狗不如都係你 繁華盛世唔知醜 四處仲係流浪貓狗 都市放大既背後 唔見得愛心人人有 有人"渣"車住大屋 養落隻狗厭焗促 有人窮到食白粥 養到隻貓幾幸福 養到病 你又話"等" 養到老 你又話"等" 你要搬 你又話"等" 做人 你係咪咁?! 有時 問問良心 你老豆養到你咁大 有冇話要過"等" 聽大陸既叔伯 講起都嬲 佢話點解內地都冇乜 流浪既貓狗 聽佢講九成九 比人捉晒上酒樓 據說老貓仲係壯陽一流 炆法不但好食 仲有唐狗 大陸d人食到一隻不留 仲搵專人養 提供食用貓狗 喂~!老友?!你甘都落得手???哎~ 貓狗係生出黎比人玩 定係自然生態既財產? 澳門跑狗好多好多人玩 要黎跑既狗瘦猛猛 鄉村養貓既個一D人 係養黎捉老鼠既家禽 聽講香港有一單新聞 有個變態專殺貓令仔怪人 小小年紀做事驚人 殺隻貓就當係一時手痕 主宰動物生命既係人 親手對林佢地都係人 養到病 唔好"等"啦 養到老 唔好"等"啦 你要搬 唔好"等"啦 做人 唔好咁啦 記住 對得住天地良心啦 你老豆養到你咁大 都冇話要"等"啦 -------------------------------------------------- 寵物.....諗清楚先好養... 愛HIP-HOP既我~頭B 21 May 寫一首一百分既歌?!我相信我咁大個仔聽過一首一百分既詞同歌~都只係得一首~!
就係大家樂既廣告歌:
"大家樂~~~為你做足一百分~!"
我今晚搵阿陳仔宵夜都係講緊呢個人
佢開個題目話林夕黃偉文D詞教壞人,
我又幾想訪問一下宜家入左去赤柱坐監既囚犯,
我真係幾想問佢地:
「喂~!?你地聽林夕同黃偉文邊首歌學壞而入黎架?!」
歌詞教唔教壞人呢~我就冇正確既數據去正式統計過,
但佢呢種偏激自以為是既言論就一定得失左唔少好此道者~
觀其作品,佢話佢既歌寫一首100分又有何難?!
咁即係寫首劣作會難到你啦?!下話?!
我相信連夕爺Y文都唔敢講自己既作品一百分。
心頭高係好,但一個虛心包容理性既創作理念~
係一個成功詞人不可缺既首要。
佢舉既教壞人例子:
我就覺得你認為呢兩首教壞人丫?!
調返轉會唔會係你既理解能力有問題呢?!
當真係你覺得教壞人,但樂迷係咪真係會跟住做呢?!
人係好理性既~由期係罪犯,你估D罪犯聽咩歌大架拿?!
如果有一日你見到有個八歲既細路又食煙又講粗口,
佢話鐘意聽"叮噹"咁你會唔會嬲架?!
佢話未來既歌會朝住教育既方法去寫,
倒不如學識點樣包容另類既音樂同歌詞仲好啦~
唔怕臭口D講句~你寫得出拍得住Y文同夕爺咁上下功力既詞,
你即管話比我知你用邊枝筆寫~我成枝食左佢~我話既~!
我唔洗要你一百分,我打個五折比你~!
但記住喎~要有教育意義喎~!
頭B 14 May 回港假期之單車日今日就係約左兩大才子踩單車既大好日子,本來都有叫夢夢黎~佢話唔得閒喎~!?咁唔通夢夢佢要學壞唔比佢去咩?!夢夢你好野~!我好少約男仔架嘛~!咁都比檸檬我食~!哼~!
【出發】
今朝就已經報定警比我另一半話踩單車架嘞~!唉....做男人做到我咁好似守行為咁,真係唔死都冇用~!一起身送完佢返工就搭VAN仔去左大圍,就見到呢兩個才子......
李奧------成日見親佢都帶住個背囊,唔知仲以為佢帶住幾廿萬通街走,唉.....唔方便擺係銀行擺落我度都得架嘛~!傻豬黎既~!至於呢個Y爺,白衫短褲,有少少刻意扮HIP-HOP~幾時咁潮呀你?
我就著件白色吊帶背心仔~短版仔褲,順帶一提,件白色吊帶背心仔我女友早幾日買架~!鬼死咁誘人~!
我地跟住就去食野,食完野就去租車,去租車個陣撞到我一個成十年冇見既朋友仔"樹熊"
我當然摟佢走返轉啦,摟完佢話好,跟住我地交換完電話就起程嘞~!
【飛車】
一起步既Y爺,係威係勢,唔知仲以為佢王金寶上身添,逢人過人逢車過車,就好似踩左落東望洋咁,我心諗,你咪過囉,我地呢D流前鬥後架嘛~!點知一去到未夠五分鐘,我用我一般既步速都追到佢,佢見到我就話停低買枝水,我仲未口乾喎?!回頭一望,李奧仔亦都踩到上黎,呢個李奧,踩架單車好鬼死滋陰,就好似散步咁之之由由,D阿婆落地跑都幾乎可以快過佢,到李奧黎買完水我地又踩過,我呢個時候就開始熱身完,就開始沿途快放,但由於唔識路既關係,我一踩到交叉路口就要停低等阿Y爺問佢行邊~踩到我第三個落腳站,我竟然見到我個老友樹熊兩公婆~丫~!居然快過我喎~!真係想問佢~你搭車黎架?!
【上船】
踩到去單車巠一架沿岸邊既小食船~我慢條斯理咁泊好架單車~落到去,問事頭婆廁所係邊?去完廁所我上返去船既上層坐定定~再點口煙仔食下~望下船外既海景~無耐~呢兩個單車才子終於到嘞~!一黎到....阿Y爺就瀑低左係檯面~臉紅耳熱咁喘晒氣,我幾驚佢唔得就咁去左呀?!咁我見佢咁就發揚香港既好客之道問佢地飲咩食咩?!只見Y爺單薄既身型猛嗌:「水~~~~水~~~!」呢D咪打壞後生囉~!
鏡頭望返李奧~只見佢臉不紅氣不喘~不概係一個頂天立地既陽光男孩~!我買完野,少不免同李奧溪落仲瀑緊係檯既Y爺一番,我仲記得我拍住膊頭同Y爺講左句:「放心啦~!呢單野我唔會同人講架~!盡可能冇五千蚊我都唔會同人講~!」呢個時候我個老死樹熊黎到~!只見佢落船拎住份馬經~我就問佢有咩好野啦~?佢話8場五六~!我就拎左一舊水比佢話:「50蚊正Q~位置Q~!」
【意外】
去到唔知邊個位我仲係放緊頭~Y爺卒之跟到上黎~點知電話響~佢聽完電話就對我話:「李奧係後面架單車甩左錬喎~!」跟住我就話~等我返轉頭救佢啦~我即時用我既小宇宙谷左D潛能出黎~!唔洗一分鐘去到李奧既案法現場~!託賴既係.....個死佬母子平安~(架單車都無事係甩左錬啫~)我跟手救完佢架單車~就一齊踩去會合Y爺~呢個時候Y爺先迎面而黎~!問我地冇野嘛?!之後就繼續上路嘞~!
【再意外】
我依舊就一路放頭~點知踩到過左一個隧道口落斜再上返斜,出左隧道口冇耐既時候,電話響起,李奧打黎~我一聽:「頭B~!返轉頭~!」李奧佢講到咁我就知一定有事~!我問都唔問就收線趕返轉頭~一入返隧道就見到李奧架車側邊瞓左個四十零五十歲一身單車服既叔叔,成頭血瞓左係度~隻腳仲攝左係架炒低既單車度~!我第一時間就諗住幫佢掹隻腳出黎先啦~!咁岩隧道口就有個單車友好市民經過,佢即刻停車幫手,佢扶住架單車~我就小心奕奕咁掹佢隻腳出黎~跟住就輕輕放低佢係地,單車路人就走去周圍兜,睇下有冇見到單車巠內既醫療副助義工~過黎幫手,淨低我地三個才子對住個傷者,Y爺就開始報警,我同李奧就開始折人,唔比D行過既單車埋黎,恐防再撞到傷者~!據李奧講,原來呢條隧道轉彎落斜既斜路盡頭~係有一舊磚頭咁大既石係斜路尾,如果有人唔收油落呢條斜路~!一落到斜路尾轉彎,一出彎位就好易撞到呢舊石頭~!形成意外~!而呢舊石頭係擺係路中間~!我好相信係人為~!一條通爽既隧道內,隧道上面就係D花花草草,試問有點會有舊咁既石頭係度呢?!係呢個時候,學過小小急救常識既我~!知道係要係正規救護員黎之前安慰住傷者~等佢撐到救護員黎送佢去醫院,我就行埋去輕拍傷者既膊頭話:「叔叔~!冇咩事架嘞~!放心啦~我報左警~!救護員黎緊架啦~!」但其實我話就冇咩事~我睇住佢D血"爸爸"聲咁流,已經流到地下一大灘血~佢個頭側邊既地下都係流到都有血,我睇見心都寒埋~我地三個人就繼續折人,人既好奇心真係好緊要,D人經過一路睇一路踩,自己踩既路又唔望,真係好易又會炒車,話口未完,點知一個十一二歲既肥仔踩住架單車,掛住睇我地,就"辟啪"咁炒低,李奧就即刻走埋去扶佢,
李奧問佢:「你冇野丫嘛?」好在呢個肥仔冇咩事姐~人肥你就渣好D架車啦~路都未睇惦就學人八八掛掛,炒死你呀細路~!冇幾耐D警察同D救護員都黎左,開始同傷者包扎,D警察亦都問報警既Y爺口供,抄低電話之類~!而我地就繼續折人,但呢D野應該係黎左既警察做掛?!佢地又冇咩點理來往既單車~咁唯有我地繼續折啦~到左擾攘左半小時,呢個傷者先被安排上白車,唉.......開始先發覺,香港既醫療隊伍,又並唔係想像中咁先進,半粒鐘先上車喎?!大鑊D既話~人都死左啦~!?
【回憶之歌】
見傷者比救護員同警察推走,我地又繼續上路,但.......呢次我地冇再踩得咁快,一路慢駛,一路大家傾返頭先既情形,冇幾耐,我地踩到單車巠既盡頭,一個好大既停車坪,面對住條河,抬頭盡係藍天白雲,回望返河既對面我地踩黎既路,再望返上個天既境色,真係不枉呢段悠長既路程,呢個時候....入耳既竟然係一架裝左音響既單車......好大聲播緊一首BEYOND既"海闊天空"........
今天我......寒夜裡看雪飄過....懷著冷卻了的心窩飄遠方.......
風雨裡...追趕.....霧裡分不清影蹤........
天空海闊你與我...可會變...?
抬頭既此情似景,配埋呢首音樂,再加上身邊兩個亦師亦友既死黨,試問係我有生之年~休想可以忘記呢一刻呢個畫面~!人地話詞人係感性....我相信都係........
當聽完海闊天空....點知......
佢播左首........張智霖既"祝君好"
我即時成個人靜左落黎.....令我諗起同居四年分手既佢.....
我好靜心咁聽住首歌......腦裡邊好自然諗返起當日寫比佢既詞.....
對.....妳一直都冀盼....唯獨妳.....曾令我的心氾濫....
但時間.....早早沖淡在瞬間....不停留.....早經退減....
唔好意思......段日記我忽然唔想寫落去......B
6 May 澳門奇遇之--------------再遇紅綿羊車神,人如其名粗口陳見到我火辣辣既紅字仔,就知我又係講緊傳說中既佢------
【爛口界既不世奇才,講粗口個一種自然法,係講左都唔知既佢】粗口陳~!
我今晚係查實係我拎部電腦比呢個紅綿羊車神整後~我部電腦出院既大喜日子,
一見到佢我地既交接儀式完畢之後我就摟佢飲杯野啦緊係~!
只見佢又前又後咁~想泊低隻火辣辣既紅綿羊~!泊黎泊去都好似唔係咁岩心水~
就有如一個同地下搏鬥緊既趕羊少年~滿口媽媽聲既粗口牧童一樣
咁兩條麻甩佬唔通飲牛奶公司咩?!佢泊好隻羊~
我就摟佢坐低飲杯野,步行當中~正想話邊度好既時候~
點知佢話:「求其買兩罐野係公園飲得啦~!」
B:「邊有兩罐架?!係就買半打~!」
陳:「哩~!?前面咪有間OK囉~!」
B:「係呀,澳門OK買半打簽半打架~!」
無奈既陳仔:「嘟街啦你~!」 (聲音經過處理)
我一聽完佢最尾個句咁講,我就有感而發話:
「唔知點解一聽你講完我有個衝動,想返轉頭扑爆你架車....」
陳:「你咪試下囉~呢度澳門呀~!?你估香港呀?!」
我即時感到生命受到威脅,就話:
「講下笑姐~係都燒你屋企先啦~!」
一去到OK,陳仔就拎罐嘉士伯,我見佢拎一罐~
我就係下邊拎D大大枝樽裝既嘉士伯話:「半打呀呵?!」
陳:「你都戇嘟既~!」 (聲音經過處理)
後尾我地爭議之下~我無奈妥協咁買左四罐~
行到收銀櫃台~只見陳仔佢正想拎錢既時候.......
我即刻望住個收銀妹妹仔話:「收囉~!?你試下收佢錢丫拿?!」
我正想加多句口頭蟬"手都斬左你丫拿"既時候...
陳仔:「得~!得~!你比囉~!」
爭回小小上風既我就意氣風發咁比左錢~!
去到公園,我地吹左陣水,點知我電話響~!
一聽:「仲咩唔聽電話?做緊咩?!有無對我唔住?!」
B:「無呀~我同陳仔吹緊水咋嘛~!」
我即時為表清白就隊左個電話陳仔聽.....
B:「講兩句丫~!」
陳仔一聽:「放心啦B嫂~我會睇住佢架嘞~!」
我見佢講到咁大體仲有文有路~都放心晒~!
誰不知佢.................
陳:「佢成日叫我帶佢去浦,帶佢叫雞....我緊係無啦~妳放心啦.......」
我個心即時涼左一折~死嘞呢次~!
---------------------------------------------------------------未完~就續
B 3 May 原曲:【美麗的神話】主唱:成龍件旦散 ,金喜善既o靚妹 唔識路 油塘仲無見到
屯門兜上 尖東買帽 菩提街 出黎旺角點去 黎官涌問路 行山路 葵盛無去到
糢糊街上 應該去到 藍田穿過 黎樂富先到 唔識兜問路 行落大埔墟轉上環
直上到果欄 行近望見到銅鑼環 係靚女去慣 沿住大欖涌上大潭
就會見到山 行近望見到個球場 問到經已晏 --------------------------------------------------------------
今日落大雨,攪到提早收工,見澳門四隻角都未行勻, 就周圍行下咁啦,行到個胃仔餓就諗住搵間野食下咁啦, 食完想埋單既時候,我起身叫一叫伙記,佢就望住我~! 我指一指檯面再用手指打左個圈,以示埋單~ 點知............. 個伙記阿姐居然又用手指係檯面打左個圈竟然話............
伙記:「you~out?!」 我一聽當堂打左個突~據我即時既理解~佢好明顯當我係洋鬼子~! 仲用佢d屎過我既西文同我溝通添~! 我係曬得黑左d咋嘛~!?妳都無理由當我鬼佬掛?! 我跟住就用返英文答佢: 「yes~!叮橋~!」 =.=
睇黎澳門d人無咩理智~陳老師呵?!
頭必 |
|||||
)拆落黎大量既竹我地通常都係搵地盤指定一塊爛地黎存起佢,好等第二時地盤拆晒棚起貨一次過清走。
)
|
|
